Copa Xuvenil: Os Cuartos servidos

23:02 24/04/14

En xoves disputáronse a volta dos Oitavos de Final da Copa da Costa Xuvenil. E foi así porque, tras unha igualada votación, os clubes decidiron que estes Oitavos fosen a doble volta.

Disputouse ademais un partido dos Dezaseisavos da Copa da Costa, e o San Lorenzo caía ante o Dumbría nas Eiroas por 2-3.

En todo caso, xa temos os Cuartos servidos, con novidades sobre os que disputaron a Liguilla dos mellores. Por exemplo, Malpica quedou fóra ante o Fisterra, e o XSC non puido cun Dumbría que segue ao seu. Sorpresa a do Outes ante o Baio, remontando un 3-1 da ida e cun equipo baiés que se quedou con 7 polo que o partido rematou antes de tempo.

Así queda o cadro:

Aquí vos imos deixando as crónicas, que iremos completando ao longo da mañá do venres.

Muxía - Esteirana (1-1)

MUXÍA: Hugo, Ancho, Andrés, Maca, Isma, Osil, Fabio, Marco, Samuel, Edi e Paulo. Tamén xogaron: Mariño, Ander e Juan.
ESTEIRANA: Marcos, Bolo, Tobío, Rafa, Sergio, Code, Damián, Pablo, José, Raúl e Adrián. Tamén xogaron: Mj, Manu, David, Tiko e Davichi.
Goles: 0-1, min:60: Jose; 1-1, min.75: Andrés.
Expulsións: o esteirán Code e o muxián Marco.

Apretou o Muxía a toda unha Esteirana e se na ida case salta a sorpresa co apretado 2-1 no Xosé Luís Vara (celebrando estes días o 5º aniversario do seu pasamento), en Muxia o cadro de Martín non pasou do empate ante os de Javier Lema, nun partido onde o balón aéreo foi protagonista.

A primeira metade foi de moito respecto, ninguén se atrevía a arriscar. Foi na segunda o equipo muxián polo partido, sobre todo despois do primeiro achegamento cun balón ao pau e a expulsión dun xogador visitante. Así e todo o gol chegaría nunha contra chegaría o gol da Esteirana, e pronto quedaría con 10 tamén o Muxía. Colleu o mando o Muxía que apretou moitos pero protestaron a actitude arbitral, que paraba demasiado o partido. Empatou o partido e tivo varias para empatar a eliminatoria pero botaron en falta a Víctor Alcaina arriba os muxiáns, como aos Gerardo, Antonio e José Ramón, baixas no cadro vermello.

Cabana - Camariñas (1-1)

CABANA: Adrián Vázquez, Aurelio, David (Grille), Raul, Laik, Diego Cacha, Dani Reigía (Dani Mato), Álex, Sergio (Varela), Redondo (Darío) e Manuel Suárez (Iván Mato).
CAMARIÑAS: José Luís, Ariel (Dani, min.70), Santi, Mateo, Pose, Juanciño, Chicote (José, min.60), Carlos (Cantalejo, min.65), Martín, Sergi e Javi.
Goles: 1-0: Manuel Suárez; 1-1, min.70: José.

Unha das eliminatorias máis apretadas a vivida entre cabaneses e camariñáns, que se decide pola mínima. Vale o 1-2 da ida para o Cabana, pero o Camariñas, dirixido por Marco pois Pirucho non puido estar por motivos laborais, apretou ata o último instante, e a incertidume estivo presente ata o pitido final.

O Camariñas tivo uns moi bos primeiros 30 minutos, chegando Javi por dúas veces e Sergi a estar moi preto de romper a igualada. O Cabana tivo no treito final algunha ocasión pero só á contra ante un Camariñas volcado, pero o marcador non se movería máis do 1-1, a pesar de que os camariñáns merecían, alomenos, igualar a eliminatoria.

Outes - Baio (3-0)

Goles: 1-0: Samuel; 2-0: Babu; 3-0: Veleiro.
Expulsións: os baieses Michi, David, Cristian e Pablo provocando que o partido rematase 5 minutos antes de tempo.

Parecía que a eliminatoria tería cor branquiazul, polo 3-1 da ida, pero o azul tornouse negro visto o visto no Cunchido. E iso que o Baio saíu bastante enchufado, pero foi perdendo fol a medida que chegaban os goles locais. Goles que desquiciaban aos de Pastoriza, como o colexiado, moi protestado polos visitantes, que acabaron protestando e quedando con 7, provocando o final do partido 5 minutos antes de tempo.

Dumbría - XSC (2-0)

DUMBRÍA: Couto, Canario, Maikel, Cabana, Roberto, Yeray, Edu, Adrián, Marcote, Pablo e Javi. Tamén xogaron: Martín, Oli, Charli e Isma.
XSC: Alvarito, Cristian Caamaño, Jacobo, Parri (Miki, min.46), Pérez (Cristian Torres, min.46), Fabián, Adrián, Pablo Landeira, Tefy (Sergio Barbeira, min.55) e Iván Pastoriza.
Goles: 1-0: Marcote a pase de Javi (descanso); 2-0: Marcote de penalti cometido sobre el mesmo provocando ademais a expulsión do meta xalleiro.
Expulsión: o porteiro xalleiro Alvarito.

Co 1-1 de Fontenla dumbrieses e xalleiros afrontaban unha dura proba, pois este XSC sempre pon en apuros ao poderoso Dumbría. E arrincou o choque cunha primeira metade igualada, na que comezou o XSC demasiado relaxado, e o Dumbría estivo mais intenso, provocando as mellores chegadas sobre todo con Marcote e Javi.
O segundo gol de penalti e expulsión do porteiro, algo protestado polos locais. Contra o final, cun XSC con 10, o Dumbría foi superior e sentenciou.

Cee - Coristanco (6-1)

CORISTANCO: Nacho, Javi, Navarro, Iván, Naya, Chrisian, Jorge, Brandón, Suárez, Fondo e Bértoa.
Goles: Andrés (3), Pablo (2) e Esteban para o Cee. E Jorge para o Coristanco.

Sen contemplacións o Cee ante este Coristanco que tras unha gran liga se deixou levar neste treito final de competición, e de feito onte chegaban os de Coristanco con 11 xustos a Cee. Co 0-3 da ida xa os ceenses tiñan o partido encarrilado, pero xa se lles puxo de cara moi pronto e sentenciaron pronto. Así e todo aguantaron 20 minutos co empate a 0 os verdes, pero ao descanso o marcador xa sinalaba un claro 4-0.

Muros - Porteño (3-2)

MUROS: Toni, Yeray, Veloso, Ramón, Edu, Miguel, Airán, Santi, Piki, Samu e Mancebo. Tamén xogaron: Jorge Beiro, Tajes, Macheda e Diego.

Porteno Xuvenil ante o Muros-Foto-Jorge Parri

PORTEÑO: Brais, Dani, José Manuel, Bruno, Manuel, Damián (Pifo, min.70), Josiño, Rodry, Martín (matías, min.55), Antonio e David.
Goles: 1-0: Miguel de cabeza; (descanso); 1-1: David; 1-2: Manuel de penalti; 2-2: Santi de cabeza; 3-2: Tajes.

Viña o partido marcado polo 3-0 da ida, pero o Porteño de Ordóñez prantou cara ao Muros. A primeria metade remataba con vantaxe local, cun lixeiro dominio local e un Porteño que chegaba a ondanadas. Tivo tempo o Porteño mesmo para cambiar ao porteiro Brais e poñelo no medio campo, e David baixo paus. E na segunda o Porteño se adiantaba, foise arriba soñando coa remontada e á contra, nos últimos minutos o Muros daba a volta ao marcador.

Malpica - Fisterra (2-1)

MALPICA: Steven; Víctor Novo (Brais, min.86) Canario, Jorge, David, Mouri, Petís, Guille, Almeida, Eloy, Kevin.

Fisterra Xuvenil en Pedra Queimada-foto-Luis POrto

FISTERRA: Ángel, Javi, Josema, Noé, Rubén, Breixo, Jóse, Gabi dos Golpes (Dani, min.86), Abel, Adrián (Manute, min.46), Benlloch (Gabi da Anchoa, min.86).
Goles: 0-1, min.20: Noé de falta rasa; 1-1, min.43: Jorge de cabeza; 2-1, min.50: Almeyda aproveita un pase entre liñas de Eloy.
Expulsión: o visitante Josema.

Viña a eliminatoria practicamente sentenciada da ida cun Malpica pouco motivado. Así e todo sacou unha vitoria, pola mínima ante un Fisterra que ten moi boa pinta neste.

O Malpica, con Steven, habitual xogador de campo, baixo paus, intentou buscar a remontada tralo 5-2 da ida, pero as presas e os nervos non foron boas compañeiras. Houbo ocasións para os dous bandos, pero o marcador non foi tan abultado como necesitaban os locais, que pechan unha campaña de sinsabores.

Corme - Ponteceso (2-0)

Copa Xuvenil-Corme-Ponteceso-Foto-Fin Lema

CORME: Rubén, Cristina, Iván, Joshua, Koeman, Antoniño (Palmiro, min.90), Kike (Eloy Castro, min.80), Manu (Isma, min.75), Sergio Fariña (Eloy García, min.55), Juanma e Alejo (Bruno, min.88).
PONTECESO: Santos, Lorenzo, Diego, Sánchez, Adri (Luca), Ismail, Alberto Recarey, Ismael, Yago, Dani Valle e Pablo.
Goles: 1-0, min.25: Antoniño de falta coa axuda do porteiro; 2-0, min.75: Kike de falta pola escuadra e por riba da barreira.
Expulsión: o cormelán Juanma (min.72).

Co 2-2 da ida no Pinguel todo estaba en liza no Cairo, quentando para o partido do domingo. E comezou o partido vibrante, con chegadas ás dúas áreas, e foi un partido máis igualado do que sinala o marcador. Fallou o cadro da Ponte, e á seguinte xogada o Corme adiantábase coa axuda do meta pontecesán. O equipo de Rubén Souto seguía loitando, coma en todo ano, como xabatos, e pediron unha pena máxima e protestaron un gol anulado. Pero o colexiado non pitou e foi o Corme o que sentenciaba cun golazo de falta, tras unha segunda metade na que estivo algo mellor.

Os mellores do partido, e deses xogadores que seguro van dar que falar no Fútbol da Costa (xa o fan), Juanma polo Corme e Alberto Recarey polo Ponteceso.