Venres. 18.10.2019
El tiempo

A Galería Mulleres repara feridas cos poemas da arxentina Alejandra Pizarnik

A Galería Mulleres repara feridas cos poemas da arxentina Alejandra Pizarnik
Alejandra Pizarnik na Galeria Mulleres de Muxia abril 2015

Despois de 5 anos recuperando a historia a través de nomes de Muller, continúa máis viva que nunca a Galería Mulleres do Concello de Muxía. Viki Rivadulla dende o seu departamento de cultura segue descubríndonos xentes que cambiaron o rumbo das cousas. Hoxe, neste mes de abril de 2015, toca coñecer á escritora arxentina Alejandra Pizarnik (1936-1972).

Filla de inmigrantes xudeos, destacou pola beleza e a profundidade da súa poesía; a súa escritura e a súa capacidade de conmover con poucas palabras levárona rapidamente ao recoñecemento. Escribía para exorcizar os seus propios fantasmas, para ela "escribir un poema é reparar a ferida fundamental, a desgarradura. Porque todos estamos feridos”.

Ler Alejandra Pizarnik é mergullarse nese mundo interior cruzado pola traxedia pero tamén por un profundo sentimento de amor á vida, de respecto ás mulleres que viviron e loitaron contra demos internos e externos antes ca ela.

Problemas que arrastrou dende moi nova levaron a Alejandra a un hospital psiquiátrico e alí quitou a vida. Probablemente nunca recibiu a carta onde Julio Cortázar lle daba forzas para seguir vivindo: "Eu reclámote, non humildade, non obsecuencia, senón enlace con isto que nos envolve a todos, chámalle a luz ou César Vallejo ou o cine xaponés: un pulso sobre a terra, alegre ou triste, pero non un silencio de renuncia voluntaria. Só te acepto viva, só che quero Alejandra”.

Deixou como legado unha vasta obra, a pesar da súa curta vida, un diario extenso e moitos escritos de todo tipo.

Entre as súas Obras atopamos: La tierra más ajena (1955); La última inocencia (1956); Las aventuras perdidas (1958); Árbol de Diana (1962); Los trabajos y las noches (1965); Extracción de la piedra de la locura (1968); El infierno musical (1971); i en prosa La condesa sangrienta (1971).

Na Biblioteca da Muller do Concello de Muxía podes atopar:
- Pizarnik, Alejandra. Extracción de la piedra de la locura y otros poemas.

Novas relacionadas

Galería Mulleres de Muxía

Máis novas relacionadas

Fonte

Comentarios