Luns. 26.09.2022
El tiempo

Recunchos da Costa: A Torre do Faro de Brantuas

hdrpl
Recunchos da Costa: A Torre do Faro de Brantuas

Unha das torres máis curiosas da comarca érguese en Brantuas (Ponteceso). A torre do Faro de Brantuas érguese no monte do Faro, permitindo ter unha fermosa boa panorámica da contorna da praia da Barda, así como unha fermosa vista da ría de Corme e Laxe.

Érguese a carón da Capela de Nosa Señora do Faro, enriba dun fantástico campo da festa (pola habitual romaría de San Xián de Brantuas). Foi feita en 1959 promovida por filántropo Ricardo Pose Ourense, natural de Brantuas, sendo párroco Anselmo Varela Mato.

En calquera caso, aos que non se atrevan a subir os 133 chanzos (e 39 metros) da torre (a subida non é apta para xentes con vertixe; e moito ollo arriba que é relativamente perigoso, pois non hai varanda e o vento zoa sempre forte, ademais o último chanzo non é apto para xentes de pouca mobilidade), pode quedar na zona de embaixo, a carón da Capela, onde os 230 metros de altura do monte xa deixan unha fenomenal perspectiva da contorna.

O 8 de setembro celébrase a singular Romaría da Virxe do Faro.

hdrpl
Cartel da Romaría de 2022

Torre do Faro de Brantuas 2

Vista da Torre do Faro de Brantuas dende Guxin
Vista da Torre do Faro de Brantuas dende Guxín (Corme)
Vistas dende a Torre do Faro de Brantuas
Vistas dende a Torre do Faro de Brantuas

Como chegar

MÁIS RECUNCHOS DA COSTA

comentarios