Dous partidos claves se disputaban esta fin de semana Liguilla Previa á Fase Ascenso á Liga Galega Xuvenil. E foron o XSC e o Camariñas o que deron un paso adiante a costa dos Miúdos e Cabana, respectivamente. Así e todo a loita por meterse co Dumbría na Fase segue moi aberta entre os 4 equipos, Miudos e Camariñas están a só 2 puntos do xalleiros, mentres que o Cabana queda a 5.

Na Copa, a Esteirana, moi mermada, cedía os primeiros puntos da competición, mentres por abaixo, o Zas foi o único dos 4 de abaixo que sumou dos que pelexan por evitar as 3 últimas prazas, que deixarán fóra dos Oitavos da Copa, da verdadeira CopadaCosta Xuvenil.

Liguilla Previa á Fase Ascenso á Liga Galega Xuvenil, xornada 7

Xallas StComba - Os Miudos (4-0)

• XSC: Coke, Pérez (Chiki, min.55), Dani (Parri, min.70), Xoel, Carlos, Rubén, Adrián, Fabián, Barbeira, Tefi (Santi, min.60) e Landeira (Isma, min.46).
• OS MIÚDOS: Xandre, Yerai, Anxo, Samuel, Eloy; Airán, Tajes, Miguel, Hugo, Lice e Saúl. Tamén: Alberto, Álvaro e Anxo cad.
• Goles: 1-0, min.15: Tefi; 2-0, min.25: Tefi; 3-0, min.52: Barbeira; 4-0, min.82: Santi.

Era un partido clave este, pois o que o que gañaba dependería de si mesmo para conseguir un dos postos de ascenso. Se o XSC foi recuperando efectivos ao longo da Liguilla, Os Miúdos chegaban con moitas baixas, entre elas a do sancionado míster Mané Senande. Uns Miúdos que non se adaptaron ao mal estado do campo de Fontenla, que cometeron demasiados erros atrás e que mesmo perderon o golaverage co cadro de Rubén Forján.

Os primeiros 15 minutos de xogo, foron de tanteo no que o cadro muradán estaba mellor sobre o campo. Pero a partir de aí Fabián e Adrián lograron facerse co medio campo e abrilo xogo por bandas, nas Landeira e sobre todo Tefi (que estivo moi enchufado todo o partido) cos espacios que deixa Fontenla facían moito dano á defensa muradá. Por aí precisamente, polas bandas, chegaron os dous primeiros tantos.

Na segunda metade, non baixou o ritmo o cadro local, conscientes da importancia dos golaverage particular e saíron ca idea de non encaixar e igualar ou superar a renta que de 3 goles que viña de Muros. O central muradán colocuse en punta para buscar balóns directos e meterse no partido, pero a defensa xalleira se amosou moi contundente e non permitiu claras ocasións de gol.
Polo lado contrario, Ismael, Santi Díaz e Barbeira facían dano, e cómpre destacar o golazo do partido, que o volveu marcar Santi Díaz desde 30 metros.

Porteño - Dumbría (0-10)

• PORTEÑO: Brais, Aarón, Gonzalo, Jose Manuel, Bruno, Robi, Xoel (Martín, min.75), Maikel, Mario, Oli e Borja (Dani, min.46).
• DUMBRÍA: Bruno, Roberto, Canario, Cabana, Jano, Lucas, Juan de Dora, Cacha, Marcote, Pablo e Maikel. Tamén xogaron: Josiño, Jose Miguel, Mauro, Charly e Yeray.
• Goles: Juan de Dora (4), Marcote (3), Maikel, Cacha e Charly.

Pouca historia nun choque no que o rodillo dumbriés pasou polo Hermanas Patiño, debido ao mal estado do campo da Grixa. Dominio total dos de Leis e Lobelos que saíron a sentenciar dende o primeiro minuto e que non deixaron respirar ao cadro de Ordóñez.

Cabana - Camariñas (2-3)

• CABANA: Vázquez, Javi, Mateo, Ferreiro, Grille (Raúl), Reigía, Oliver (Pablo), Álex, Redondo, Cristian (David Muíño) e Laik.
• CAMARIÑAS: Jose Luís, Juan, Pose, Miguel (Manuel, min.50), Sergi, Adrián (Facundo, min.80), Álvaro (Pifo, min.55), Espi, Chicote (Chuki, min.70), Javi e Dani (Felipe, min.65).
• Goles: 0-1, min.20: Javi de penalti; 0-2, min.28: Chikote; 0-3, min.41: Dani nunha contra; 1-3, min.58: Álex dun tiro dende fóra da área tras rebotar nun defensa; 2-3, min.83: Pablo nunha xogada de fe no terceiro rexeite.

Era outra das finais da xornada, na que un dos dous equipos ía quedar descolgado da pelexa, e no que un empate deixaría a ambos conxuntos tamén lonxe da Fase. E foi un partido estrano, con unha parte para cada un e vitoria visitante.

A primeira metade foi de dominio camariñán, que ademais facía da superioridade no xogo, varios goles que deixaban o camiño encarrilado.

Pero todo cambiou na segunda. O Cabana saíu con todo e pronto recurtaba con algo de fortuna. Metía ao Camariñas na súa área. As Redondas era un fervedoiro e a 10 para o final o Cabana facía o segundo nunha xogada con varios rexeites e puña o partido a un gol.

Un final de infarto esperaba, co Camariñas colgado do longueiro e pedindo a hora e o Cabana percutindo pero sen acerto, e atopándose cun José Luís, en plan estelar, un deses porteiros dos que levamos falando moito tempo e do que seguro seguiremos a facelo, que permitíu que o Camariñas sumasen estes tres puntos clave.

Liguilla Previa da Copa da Costa Xuvenil, xornada 8

Malpica - Esteirana (1-1)

• MALPICA: Steven; Arcay, Gende, Brais Álvarez (Miguel, min.64), Sebas, Cholo, Eloy, Cristian Villar, Sergio, Xulián e Carlos (Chema Auñón, min. 64).

• ESTEIRANA: Xaco, Cristian, Sergio, Bolo, Tobío, Brais, Damián, Manu, Adrián, Edu (Rafa) e Juan.
• Goles: 1-0, min.17: Eloy remata unha fermosa xogada entre Carlos, Xulián e Sergio; 1-1, min.33: Juan aproveita un balón mal despexado tras un saque de banda.
• Lesións: os esteiráns Edu, Bolo e Juan.

Chegaba o cadro de Tata con baixas a Pedra Queimada e non puideron completa a 8ª vitoria seguida nesta Copa, e cederon os primeiros 2 puntos. I é que ademais de ter só 12 xogadores, as lesións dos Edu, Bolo e Juan deixaron ao equipo moi tocado na segunda metade.

Así e todo foi un partido moi disputado. O cadro malpicán mantiña as posicións e botaba balóns longos ás súas puntas, Sergio e Eloy. Non chegaron demasiado os malpicáns na primeira metade, agás a fermosa xogada do tanto que abría o marcador. Antes, xa Juan avisara por dúas veces, e era el mesmo, pichichi esteirán, o que facía o empate antes do descanso.

Na segunda estirouse máis o Malpica, que tivo o triunfo, ante un cadro visitante tocadísimo, máis preto.
Bo debut do malpicán Chema Auñón.

Baio - Outes (1-3)

• OUTES: Sergio, Nieto (Serxio), Cesar, Samuel, Brión, Cutu, Saúl (Xurxo), Adrián, Álvaro (Simón), Borja, Fabio (Carlos) e Santi (Fran).
• BAIO: Jose Manuel, Rai, Alfonso, Fran, Miguel, Fariña, Javier Muíño, Estefan, Alberto, Pablito e Jose Antonio.
• Goles: 0-1, min.25: Raí; 1-1, min.55: Borja; 1-2, min.70: Borja; 1-3, min.80: Simón.

Os baieses enfróntabanse a un Outes gastando un dos últimos cartuchos para sumarse a posibilidade de disputar as eliminatorias do torneo da Copa. Como vén sendo habitual o longo do ano poucos e valientes os rapaces de Baio enforntándose a un máis que correctísimo Outes e depararon un partido ben loitado de parte a parte.

Parece que a mais ca segura eliminación dos de Baio no torneo, liberounos de ataduras, e xogaron un dos mellores partidos do ano, nun exemplo claro de entrega e compañerismo. Once valientes saltaron o campo nunha tarde chuviosa e sen posibles cambios no banquillo. O Outes dominaba dende o comezo o balón pero sen perigo, e era o cadro de Julio nunha contra o que se metía por diante por medio de Rai e mesmo estiveron a punto de aumentar a conta. .

Mais os visitantes puxeron cerco á porteria local e no último tramo do partido acadaron o empate para despois darlle a volta o marcador. Non se lle pode pedir máis os rapaces de Baio que deixaron todo no campo... “once loitadores que mesmo merecín pasar a historia como pasaron os defensores do paso das Termópilas. Non o creedes asi???... eu si”, cóntanos o seu propio míster, que quere aproveitar estas liñas para homenaxear aos seus xogadores..

Zas - Castriz (3-2)

• ZAS: Sergio, Rubi, Alberto Fuentes, Brais, Carlos (Cristian, min.62), Terny, David, Andy (Dani Mato, min.64), Juan (Adri, min.70), Manu e Andrés (Álvaro, min.76).
• CASTRIZ: Víctor, Álex, Richar, Redondo, Cris, Jony, Balsa, Luís, Adán, Cambón e Varillas. Tamén xogaron: Beto, Calvo e Javi.
• Goles: 1-0, min.14: Andrés; 1-1, min.2: Jony; 2-1, min.33: Andrés; 3-1, min.50: Andrés; 3-2, min.55: Jony.

Parece que o zas empeza a espertar para seguir na Copa. O equipo que dirixe estas semanas Iván Solís superaron aos pupilos de Alberto nun partido moi divertido para os siareiros, moi disputado e que puido caer de calquera lado e mesmo en empate.

Foi o Castriz o que cometeu máis erros en defensa, e Andrés estivo máis rápido que a defensa e completou un bo triplete.

Muxía - Corcubión (3-0)

• MUXÍA: Ancho, Franciño, Andrés, Paulo, Jorge, Tomás, Marco, Castreje, Ander, Jose e Rodri. Tamén xogaron: Rubén, Chori, Gusa, Álex e Osil.
• CORCUBIÓN: Miguel, Oca, Isma, Lela, Marcos, Germán, Óscar, Tito, Maikel e Goche. Tamén: David, Pepo, Chava, Álvaro e Junjo.
• Goles: 1-0, min.23: Tomás cun gran disparo dende fóra da área pola escuadra; 2-0, min.62: Marco de chilena; 3-0, min.83: Jose.

Parou o Muxía a boa marcha do Corcubión nesta Copa, e iso que os de Javier Lema chegaban con 8 baixas e 5 cadetes na convocatoria. Pero os muxiáns aproveitaron o vento a favor na primeira metade para meterse por diante, e puideron ter ampliado a renda se o colexiado sinalase un penalti.

Na segunda, non freou o ritmo o cadro local e Marco de chilena e Jose ampliaron a renda.

Corme - Cee (5-2)

• CORME: Fran, Aitor, Ángel, David, Cristian, Eloy Villar, Isma, Bruno, Quique, Isaac e Manu. Tamén: Sergio, Diego, Eloy CR, Ian e Pandi.
• CEE: Maikel, Jicho, Brais (Iván, min. 45), Tivi, Borja, Castillo, Nanón (Pablo, min.60), Iago (Dani, min.70), Álex, Chema e Alexis.
• Goles: 1-0, min.39: Bruno; 1-1, min.44: Álex; 2-1, min.45: Isaac; 2-2, min.45: Iago de penalti; 3-2, min.58: Isaac; 4-2, min.81: Isaac.

Moi fácil encaixa goles este Cee e moito máis atinado anda este Corme. Foi un partido con moito vento no que é posible que o marcador fose demasiado abultado, e de feito, a acta sinala só un 4-2 cando o partido rematou con 5 tantos para o cadro cormelán.

Coristanco - Fisterra (0-1)

• CORISTANCO: Alberto, Javi (Gesto, min.80), Brandón (Cristian Barreiro, min.62), Varela, Sergio, Navarro, Joaquín, Joni (Iván Anido, min.72), Fabio, Bértoa e Gabriel.
• FISTERRA: Aarón (Xosé), Iago, Andrés, Juanfran, Senra, Breixo, Gabi (Dani), Gabi Golpes, Gonzalo, Adri (Manu) e Iván (David).
• Gol: 0-1, min.60: Breixo.
• Expulsión: o míster local contra o final.

Partido moi igualado, no que o cadro local tivo máis dominio, sobre todo na primeira metade na primeira metade. Así e todo as mellores ocasións tiveron cor visitante e Breixo, antes de marcar xa enviara un balón ao pau e Fabi Golpes ao longueiro.

Contra o final, o Coristanco volcouse por un empate que non chegaría.

Crónicas dos Xuvenís

2ª Fase:

• X.6: Pelexando por acompañar ao Dumbría.
• X.5: A loita pola Fase de Ascenso aprétase e a Copa dispútase por partida doble.
• X.4: O XSC endosa a primeira derrota do curso a todo un Dumbría.
• X.3: O Dumbría ao seu cunha dura loita por detrás.
• X.2: Dumbría e Os Miúdos pegan o estirón.
• X.1: Arrincaron as segundas fases.

1ª Fase:

• X.18: Un Camariñas campión e os cadros da seguinte fase listos.
• X.17:  Cousas que decidir nos dous Grupos Norte e Sur.
• X.16: O Camariñas asalta o liderato mentres XSC, Os Miúdos e Esteirana deixan a loita aberta.
• X.15: Outro título da “Doble L”.
• X.14: Unha loita aberta cando faltan 4 partidos.
• X.13: 7 equipos para 6 postos.
• X.12: Dumbría e Cabana mandan mentres 12 equipos pelexan por 4 prazas.
• X.11: Loitas quentes polas 3 primeiras prazas no Norte e no Sur.
• X.10: 13 equipos en loita:
• X.9: O Dumbría impón a súa lei no Sur e a igualdade no Norte.
• X.8: O Fisterra frea ao XSC mentres o Norte se iguala máis e máis.
• X.7: O Sur busca o 3º e abordo e o Norte o trío de cabeza.
• X.6: Pelexando polo podio.
• X.5: Sen dominadores.
• X.4: Os Miúdos frean ao Dumbría mentres Coristanco e Cabana seguen firmes.
• X.3: Xornada de goles “comarea”.
• X.2: Crónicas completas da fin de semana da Barca.
• X1: Arrincaron dúas Ligas con moitas diferencias.

Crónicas da semana

• Ligas Galegas: 3 realidades distintas para os equipos costeiros.
• 3ª Autonómica: O Muxía métese, por fin, en postos de Promoción.
• 2ª Autonómica: O Zas asalta o liderato trala vitoria do Castriz ao San Lorenzo.
• 1ª Autonómica: Un derbi de porta a porta.
• Preferente: Por fin unha doble alegría.
• Análise e resultados dunha xornada con 83 partidos no Fútbol da Costa.

Novas relacionadas

• O Manuela Rial, o Muxía e o Fisterra, campións das LCFS.
• O novo local social do Sofán, unha viaxe pola historia da SD.
• 4 clubs na reunión da Asociación de Clubs do Fútbol da Cota.
• QPC entrevista a Emilio Uzal, adestrador da UD Cerqueda, líder da 3ª.
• Convocada unha reunión dos clubs do Fútbol da Costa.
• Aprétanse as táboas dos Pichichis costeiros.
• Víctor Espasandín: Coñecendo a un xalleiro na elite do fútbol español.
• O Estética Raquel mantense invicto no ecuador das Ligas de FS de Cee.
• Comezaron as obras para instalar céspede artificial en Agra da Filgueira.
• A Noite máis Solidaria do Fútbol da Costa.
• O Campo do Carreiro ou a forza dos veciños.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC (info@quepasanacosta.gal).