Sábado. 03.12.2022
El tiempo

Recunchos da Costa: A Pedra da Serpe

Recunchos da Costa Pedra da Serpe
Recunchos da Costa: A Pedra da Serpe

A pedra da Serpe é un dos cruceiros máis curiosos e misteriosos da Costa da Morte. Situado nas faldas de Gondomil, curiosa aldea preto de Corme (Ponteceso), este monumento aínda non ten datada a súa orixe. Se ben o culto á serpe xa aparece en tempos prehistóricos, a cruz (restaurada) amosa ben a loita da relixión cristiá para apagar os cultos pagáns.

É a base do cruceiro onde podemos atopar a figura da “serpe alada” (relacionada tradicionalmente coa fecundidade ou como elemento demoníaco), un feito moi pouco habitual na cultura occidental, coa cabeza ben definida e coa cola rematada en punta triangular.

"A pedra da Serpe encerra moitos misterios", recoñece Suso Lista. “Que foi antes, a lenda ou a pedra da Serpe?”, pregúntase deixando claro o encaixe deste "dragón de Gondomil" na lenda de Santiago, no marco da Via Stella, e p

ten relación sobre o reino Suevo, sobre o triunfo dos cristianos sobre os gnósticos priscilianistas.

Pedra da Serpe Corme 2

Pedra da Serpe-Corme

Como non podía ser doutro xeito, varias lendas falan sobre a pedra, como que foi Santo Hadrián o que loitou contra unha praga de serpes, conseguindo facelas desaparecer e deixándosas encantadas baixo esta pedra despois de petar forte cun pé no chan.
Lista, en calquera caso, deixa ver que este Hadrián realmente refírese ao emperador romano Adriano, famoso polo seu culto ao sol.

Rutas

A pedra sitúase ademais no marco da ruta circular PR-G 148 (ver en wikiloc que une Ponteceso e Corme vendo lugares tan singulares como a Casa de Pondal, o paseo fluvial da desembocadura do Anllóns, o malecón do Couto, o mirador do Monte Branco, a praia de Balarés, Gondomil e a súa Pedra da Serpe, a praia da Ermida, a praia do Osmo e a propia vila cormelá.

 

Rutas da Pedra da Serpe

Como chegar

 

MÁIS RECUNCHOS DA COSTA

comentarios