Á terceira foi a vencida e o Ameixenda deixa de ser equipo da 3ª Autonómica - Clínica Xunqueira, e se convirte en novo equipo da Liga da Costa. E non sen sufrimento, pois o gol do ascenso chegou no min.93 tras un partido agónico ante un Lira ao que ao final tamén lle valía a derrota para meterse na Promoción.

Houbo algo de polémica, e se ben o noso equipo puido corroborar que non houbo nada raro no San Paio de Refoxos, dende Coristanco entenden que houbo unha adulteración da competición por comezar o choque con 15 minutos de retraso, de xeito que o Lira puido saber que non necesitaba a vitoria pola derrota do Nantón e baixou o pistón os últimos 15 minutos. Un cadro coristanqués que quere facer pública a súa protesta, pero que na realidade terá que recuperar forzas para a Promoción, que comeza xa e que enfrontará ao Coristanco co Lira e ao Muxía co Corcubión.

Así o celebraba o Ameixenda:

Laxe - Muxía (1-6)

• Goles: Sergio (2), Joni, Gerardo, Víctor Alcaina (2) polo Muxía e Manu Domínguez para o Laxe.

Partido sen historia, sen gañas, no que o Muxía foi superior e endosou un set a un Laxe que estaba desexando rematar a temporada. Pero ollo que para o ano volverá con máis forza.

Mentres, ocadro muxián prepara a Fase de Ascenso, na que se enfrontará ao Corcubión.

Ameixenda - Lira (2-1)

• AMEIXENDA: Óscar Riolo, Jorge, Samuel, Bichiño, Jesús, Javichu (Álex, min.65), Camacho (Borja, min.70), Momaño, Mario, Andrés e Cristian.
• LIRA: Peipo, Eloy, Josiño, Pardelo, Pelos, Estrella, Demetrio, Pata, Oli e Saúl. Tamén: Aitor, Miky e Manu.
• Goles: 0-1, min.2: Oli; 1-1, min.70: Jesús de falta; 2-1, min.93: Mario de penalti.

Menudo partido no San Paio de Refoxos. Necesitaba o Lira a vitoria para meterse na Promoción e o Ameixenda para conseguir o ascenso directo. E algo tarde arrincaba o choque tralas fotos pertinentes iniciais, e nada máis sacar Oli metía o 0-1 no marcador. Os nervos atenazaban ao equipo de Pato, que non conseguía facer dano. Tiña o partido controlado o Lira, con 0-1, e pasaban e pasaban os minutos.

Chegábase ao descanso e o Ameixenda o intentaba pero conseguía facer dano cando Jesús, cunha falta facía a igualada e puña o ascenso a un só gol. Remataba o partido en Cerqueda e en Vimianzo, polo que ao Lira lle valía ca derrota e o Ameixenda tiña que vencer. Volcouse o cadro amarelo, apoiado pola súa afección, sobre a meta liracha, e no último suspiro, un claro penalti, era transformado por Mario para o deleite da bancada.

O Ameixenda era novo equipo da 2ª Autonómica.

Cerqueda - Nantón (2-0)

• CERQUEDA: Ángel (Gesto, min.46), Pailos (Bastón, min.60), Uru (Javi Pazos, min.57), Dani, Pablo, Sergio, Xabi, Luchi (Juanjo, min.65), Dani Seaia (Javi, min.60), Darío e Martín.
• NANTÓN: Ernesto, Lareu, Dani Costa, Amado (Redondo, min.55), Diego, Carlos Vidal, Fabio, Alberto, Luís, Martín e Iván.
• Goles: 1-0, min.44: Sergio: 2-0, min.55: Martín.

Partido duro, pois o Nantón xogábase moito e o Cerqueda quería cerrar a tempada recibindo a Copa e gañando no exilio de Ponteceso. E así foi, xogou serio en todo momento o líder e levando o mando do encontro, que trascurría sen grandes ocasións por culpa do aire pero no 44 Sergio coa axuda do vento facía un fermoso gol dende fóra da área.

Esto mandaba moi tocados ós cabaneses ao descanso, pero saían un pouco mellor na segunda metade e chegaba á área contraria con máis facilidade. Pero ós 10 minutos da segunda parte o Cerqueda ampliaba a súa renta facendo o segundo, despois dun rechace no que Ernesto non consegue atallar, e o balón lle queda nos pés do atacante local. O Nantón non foi quen de reaccionar, e así puxo fin a esta temporada, incapaz de conseguir o seu obxetivo de meterse na Promoción.

Castrelo - Coristanco (2-4)

• CASTRELO: Carreira, Victor, Suso, Quintáns, Luís, Stiven, Félix (Isra), Roi, Rafa, Elvis e Lucho.
• CORISTANCO: Nacho, Mato, Iván, Rubén, Marcos (Jose, min.60), Toni (Sergio, min.75), Javi, Damián (Cristian, min.65), Juan Lagoa, Ivi e Andrés (Facal, min.60).
• Goles: 0-1, min.15: Ivi a pase de Juan; 0-2, min.25: en propia meta a un córner de Lagoa; 1-2, min.35: Lucho; 2-2, min.40: Rafa; 2-3, min.55: Lagoa pola escuadra; 2-4, min.80: Andrés.

Comezaba a en punto o choque en Vimianzo, co aire en contra para o cadro de Da Silva, que necesitaba a vitoria e esperar o tropezo do Ameixenda. O Castrelo presionando pero aos 15 minutos nun bo pase de Juan que deixa a Ivi para marcar. Pouco despois o propio Juan Lagoa saca un córner e tras varios rexeites o balón cólase facendo o 0-2. Aí relaxouse de mais o cadro visitante e o Castrelo recurtaba, e conseguía empatar o partido cos tantos de Lucho e Rafa, e facendo xustiza ao visto no marcador.

Consciente da súa necesidade o Coristanco sae na segunda dominador. Ivi e Andrés avisaban e pouco despois, sería Lagoa o que colle un rexeite e o marca pola escuadra. O Castrelo, sen cambios, víase superado polo Coristanco ata que preto do final Andrés facía a sentenza. Tocaba mirar o carrusel de QPC, para ver que acontecía en Cee, e se cando remataba o choque en Vimianzo, o Coristanco era virtualmente equipo de 2ª, ían chegando as novas do empate e do gol da vitoria dos ceenses ante a indignación dos bergantiñáns, que terán que xogarse a fase de ascenso co Lira.

Quere Roland Caamaño, mister do Castrelo, despedirse da temporada dándolle as gracias á súa directiva e aos seus xogadores, ademais da gran afección que non parou de animar aos seus a pesar da irregular campaña. Un Roland que quere facer unha mención especial ao capitán Luís, que “con 44 anos segue loitando e tirando do carro como se tivera 18“.

Crónicas da 3ª Autonómica

• X.37: O Ameixenda dá un paso cara o ascenso, e Corcubión e Muxía aseguran praza na Promoción.
• X.36: Ameixenda e Coristanco manteñen o pulso e o Nantón dalle a volta á tortilla.
• X.33: O Coristanco alcanza ao Ameixenda prevendo unha fermosa loita polo ascendo directo.
• X.32: O Cerqueda certifica un histórico ascenso.
• X.31: O Ameixenda non desaproveita o descanso do Coristanco.
• X.30: Dúas pelexas abertas.
• X.29: O Cerqueda dá o salto e deixa dúas loitas abertas.
• X.28: O Coristanco pelexará o ascenso co Ameixenda.
• X.27: O Cerqueda cae tras 14 partidos e o Ameixenda recupera espazo.
• X.26: O Coristanco abre a pelexa polo ascenso directo.
• X.25: O Muxía métese, por fin, en postos de Promoción.
• X.24: 3ª Autonómica: A Mikaela e o Muxía case poden co Cerqueda mentres o Ameixenda adica a vitoria a Manolín.
• X.23: Vía libre para Cerqueda e Ameixenda.
• X.22: 8ª vitoria do Cerqueda e paso atrás do Muxía.
• X.21: O Cerqueda vai sen freos.
• X.20: O Cerqueda pega de novo.
• X.19: O Ameixenda recupera o bastón de mando.
• X.18: O Cerqueda toma o relevo do Ameixena.
• X.17: A 3ª Autonomica comeza o ano con moitos goles e goleadas.
• X.16: O Ameixenda pecha un gran ano baixando unha marcha.
• x.15: O Corcubión freou ao Ameixenda.
• X.14: O Ameixenda non ten parada.
• X.13: Todos xogan.
• X.12: 5 equipos á caza do Ameixenda.
• X.11: O Cerqueda amosa crecendeciais ante o Ameixenda.
• X.10: O Ameixenda non sabe perder e o Castrelo xa sabe gañar.
• X.9: O Ameixenda pecha imbatido unha apretada primeira volta nunha atípica xornada de goleadas.
• X.8: O Ameixenda escapa.
• X.7: O Ameixenda tamén gaña sufrindo.
• X.6: O Ameixenda aproveita o descanso do Lira e xa se pon de líder.
• X.5: O Lira non cede e tira de fortuna.
• X.4: O Lira ponse ao mando.
• X.3: Igualdade e moita tensión.
• X.2: O Lira ponse ao mando.
• X.1: A 3ª Rexional das 4 voltas xa está en marcha.

Novas relacionadas

• Un vídeo para motivar ao Sporting Zas.
• Alberto Pose: Queremos sanear o Fútbol da Costa?.
• Os Cee e Fisterra campións de F8 afrontan as Fases Finais en Laracha, Sigüeiro e Ferrol.
• O Zas non se rende e xa ten rivais para a Fase de Ascenso.

Crónicas da semana

• Fase de Ascenso á 1ª: O Palmeira araña un punto ante un superior Zas.
• Preferente: O empate do Dumbría dalle a salvación ao XSC.
• Resultados e crónica dunha xornada marcada pola permanencia do XSC e o ascenso do Ameixenda.

Torneos estivais

• Louro, Santa Comba e Sofán acollerán novos torneos estivais.
• Primeira fornada de torneos de básket en Santa Comba, F7 en Zas, e FS en Vimianzo.
• Arrinca o Campionato de Barrios de Esteiro, o mellor torneo do verán costeiro.

Primeiros títulos colleitados

• O Outes faise co título da Liga da Costa nunha tarde de verdadeiro infarto.
• O Cerqueda certifica o título da 3ª e un histórico ascenso.
• Anxo e Gato, os porteiros menos goleados da 1ª e 2ª Autonómica.
• Alejo e Piti, os primeiros pichichis do curso.
• XSC e Cee disfrutan dos títulos de Campións da Copa da Costa.
• O Dumbría sofre pero supera á Esteirana e tamén gaña a Copa da Costa Xuvenil.
• O Cee suma outro título cos Alevíns de F8.
• Un título de Prebenxamíns con dous gañadores.
• Veteranos: O San Román róuballe o título ao Coristanco no último suspiro.
• Os Benxamíns agrandan o mito da eterna canteira fisterrá.
• O XSC celebrou o título Infantil e buscará o ascenso á Liga Galega.
• O Corme festexa o título Cadete e o Cabana a Fase de Ascenso.

Máis información

• www.copadacosta.com.
• www.futboldacosta.com.
• Descargar a APP do Fútbol da Costa.
• Facebook do Fútbol da Costa.

Fonte

• Redacción de QPC ([email protected]).