Mércores. 30.11.2022
El tiempo

Recunchos da Costa: Os Petróglifos da Fieiteira

hdrpl
Unha das laxas da Fieiteira
Recunchos da Costa: Os Petróglifos da Fieiteira

Xa o dixo Suso Lista: “Corme é o puto centro dos petroglifos oceánicos”. O polifacético cormelán leva anos percorrendo os seus montes, descubrindo e divulgado os tesouros de arte rupestre.

O promontorio de Corme ten 7 estacións singulares, sendo a da Campaíña, a da Regadiña e a da Fieiteira as máis destacadas. Son considerados ademais “elementos únicos en Galicia” por varias razóns: por estaren situados en zonas altas ou cimas de outeiros, e porque “en Corme hai un caso único en Galicia dunha representación antropomórfica en falso relevo”, segundo recoñecían Patricia Mañana e Manuel Santos nun estudo que definen a zona como “unha serie de estacións de arte rupestre excepcionais e cunha cronoloxía controvertida”.

Reticulados nos Petroglifos da Fieiteira
Reticulados nos Petroglifos da Fieiteira

Hoxe percorremos o Promotorio para coñecer de preto a Fieiteira. A presencia sonora dos xigantes eólicos zumbando continuamente fai bastante incómoda a camiñada, pero os fermosos camiños entre eucaliptos e piñeiros fan agradable a ruta.

Chegados ao outeiro do monte, e atopamos a estación da Fieiteira, o conxunto máis complexo e relevante de todo Ponteceso, que conta ademais cunhas espectaculares vistas da ría de Corme e Laxe. En apenas 50 metros cadrados podemos disfrutar de ata 15 paneis, 15 pedras con gravados ao aire libre, nunhas rochas ademais esculpidas polo vento.

Petroglifos Fieiteira-Foto-Suso Lista
Vista nocturna da laxa principal da Fieiteira-Foto-Suso Lista
Rochas esculpidas polo vento na Fieiteira
Rochas esculpidas polo vento na Fieiteira

As 15 laxas ten óvalos, cazos, círculos, zonas reticuladas, ferraduras, círculos simples, “vermiformes”… “A tipoloxía dos gravados non son nada habituais”, recoñece o colectivo A Rulta.

O propio Lista lamenta o abandono municipal destes espazos singulares, e valora que son entidades como Colectivo A Rula, a Fundación Eduardo Pondal ou a Asociación Insua de Viastelas as únicas que pelexan polo coidado deste patrimonio infinito.

Ruta

Tendes en Wikiloc varias rutas para percorrer os petroglifos cormeláns. Tamén podedes seguir os consellos do Colectivo A Rula, que coñece ben a zona.

Como chegar

 

Novas relacionadas

 

MÁIS RECUNCHOS DA COSTA

comentarios