Xoves. 25.07.2024
El tiempo

Recunchos da Costa: San Fins do Castro

Cada 1 de agosto celébrase en Cesullas a romaría de San Fins do Castro
Recunchos da Costa: San Fins do Castro

Cada 1 de agosto, a Romaría de San Fins do Castro é unha desas citas que une á veciñanza coa súa tradición. A carballeira de San Fins acolle unha romaría tradicional de toda a vida, que ten vivido momentos complicados como as batallas do viño, pero que recuperan nos últimos anos o sabor máis auténtico.

Pero a carballeira viste completamente distinta calquera outro día do ano. Un espazo magnífico, que fai unha especie de escenario natural, que garda no seu corazón a capela de San Fins do Castro, construída no século XIX, que conta cunha placa ao histórico párroco Saturnno Cuíñas, Fillo Predilecto do Concello de Cabana. Orientada á saída do sol, é única na comarca.

Ao seu carón a Fonte Santa, á que antes de que saia o sol acoden os romeiros para lavaren a cara e as mans. Terás que levar un pano, que se molla na fronte e se deixa secar no campo, na fonte, e unha vez seco, curará as verrugas.

Conta a historia que a carballeira alberga un poboado castrexo.

Novas relacionadas

 

MÁIS RECUNCHOS DA COSTA

 

Comentarios