Contan os mitos cristianos que a Virxe naufragara en Muxía cando viaxaba a bordo dunha barca de pedra. Pode que falemos do primeiro dos millerios de naufraxios que a nosa Costa da Morte leva vivindo ao longo dos séculos. I é que ás faldas do Santuario da Virxe da Barca, varias pedras están identificadas como pedras santas, pois conta a lenda cristiana que forman parte daquela embarcación.

A Punta da Barca é dun dos recunchos máis interesantes da Costa da Morte. Ademais da súa beleza natural, na cabeceira da ría de Camariñas, co imponente Cabo Vilán xusto en fronte, e cun mar bravo que hipnotiza aos visitantes, acolle tres elementos singulares: o propio Faro (que cumple un século neste 2026, se ben o edificio actual foi feito en 1981), o Santuario da Virxe da Barca, e as Pedras Santas. Ademais, a escultura da Ferida, feita canda o Prestige, tamén é un monumento singular.

O Santuario

O Santuario da Virxe da Barca é un dos centros de peregrinación máis importantes de Europa. Así o refrenda a súa posición como final, compartido co Ara Solis de Fisterra, da prolongación do camiño Xacobeo Santiago-Muxía-Fisterra.

O Santuario comezou a construirse no 1717 e se inauguraba tan só 2 anos despois, de xeito que falamos dunha edificación do barroco compostelán do 1º tercio do século XVIII. A rapidez das obras viuse facilitada pola presencia dos sepulcros de dos Condes de Maceda. As pedras para a súa construción foron extraídas dunhas casas que había no lugar da lonxa vella, de xeito que o transporte era sinxelo.

As torres son moito máis novas. A última torre foi rematada no 1959. O interior ten varias xoias. Unha é a Imaxe gótica do séc. XIV, policromada e chegada de Carballo de 48 cm. Como curiosidade, a Imaxe presenta ao neno no brazo deireito da Virxe, algo nada habitual.

O incendio do tellado acontecido en decembro de 2013 foi un suceso de índole estatal.

As Pedras da Barca

Xusto embaixo do Santuario atopamos un complexo de granito con 5 pedras de particular interese. As Pedras Santas, un dos espazos máis simbólicos da Romaría da Virxe da Barca, unha das festas máis populares de Galicia e Declarada Festa de Interese Turístico Nacional en 1989.

Pedra de Abalar

A máis coñecida, se cadra, pode ser a Pedra de Abalar. Hai varias pedras abaladoiras polo país, como a Pena da Conga (Melide) ou o Castro do Faro (O Porriño), pero a de Muxía é a máis mítica.

Estas pedras están apoiadas só en dous puntos de xeito que o centro de gravidade se pode modificar con facilidade. Así, aínda se usas coma lugar de rito de iniciación ou curación. Deste xeito, a tradición apunta que a Pedra de Abalar se intenta mover para que os teus desexos sexan cumpridos. Din que só os que teñan moita fe lograrán movela.

A pedra, que está considerada un bo cacho do casco da barca, utilizábase de xeito pagán coma xuiz. Antigamente, a pedra utilizábase para xulgar, de xeito que se a pedra se movía, o xulgado era considerado culpable. Esta tamén se utilizaba en relación coa pedra dos Namorados, que logo comentamos, e que supoñemos que sería para ver se os deuses aceptaban ou non un novo matrimonio.

Pedra dos Cadrís

A outra pedra emblema da zona. A tradición dita que se debe pasar 9 veces por debaixo (dende a parte de atrás cara a rriba e polo oco da esquerda seguundo vemos a foto) para se curar dos problemas de rile e de lombo. Considérase que era a vela da barca que trouxo a Virxe. Ambas pedras están no medio do conxunto e son de fácil identificación.

Pedra da Cabeza

Esta pedra está situada na parte dereita se miramos o conxunto dende o Santuario. Fácilmente identificable polo seu curioso buraco e pola cruz que ten pintada. Un deberá meter a cabeza, a modo e facendo un xesto dende abaixo cara arriba, ao tempo que pide un desexo e agarda que se lle curen todas as doenzas.

Pedra do Timón

Como ben di o nome, está considerada o timón daquela barca. Ten moitas connotacións cristiáns. Máis difícil de distinguir, a pedra atópase na parte dereita do conxunto, un pouco menos ao fondo ca da Cabeza.

Pedra dos Namorados

Situada na parte esquerda do conxunto, escondida detrás dunha rocha grande, atopamos un recunchiño precioso para levar á parella (a pesar do frío, do vento e de que as olas pódente levar). Unha cara formada pola erosión na rocha, semella mirar cara o mar, é o testigo do lugra onde as parellas xuraránse amor eterno. Non ten connotación relixiosa.

Como chegar

 

MÁIS RECUNCHOS DA COSTA

 

• O Faro de Laxe.
• Faro de Punta Nariga.
• O panal de Sendón.
• Praia do Restrelo.
• O Miradoiro do Monte Facho.
• Praia da Arnela.
• Cabo Fisterra.
• Cabo Touriñán.
• Praia do Lago.
• A Mexadoira.
• A praia do Rostro.
• Lires.
• Área recreativa de Pedra Vixía.
• A ruta dos Pinos no mar.
• A ruta das pegadas do río Bradoso.
• O Miradoiro de Cereixo
• Pedra da Arca
• Arca da Piosa.
• Pedra da lebre
• Dolmen de Pedra Moura.
• Pedra Cuberta.
• A Casota de Freans.
• San Fins do Castro.
• As lagoas das antigas minas de caolín de Vimianzo.
• A Lagoa das Xalfas.
• As Caldeiras do Castro.
• A Carballeira de Baio.
• O Faro Lariño.
• A praia de Barizo.
• Os Petróglifos da Fieiteira.
• Pedra da Serpe.
• As dunas da Barra.
• Caión.
• O Monte Branco.
• A Torre do Faro de Brantuas.
• A aldea medieval de Riobó.
• Cabo C ou Cabo Cee
• A Fervenza de Castriz.
• A praia de Niñóns.
• Praia de Gures.
• Os Secadoiros de Congro de Muxía.
• Praia de Arnado.
• A ruta dos Muíños do Río Negro.
• Praia de Soesto.
• Praia de Beo.
• O miradoiro do Monte Perrol e a súa mámoa.
• A Ponte de Brandomil.
• Praia de Rebordelo.
• A praia de Seiruga e Area Pequena.
• O Rego dos Muíños.
• Castro Borneiro.
• A Férveda de San Paio ou Entrecruces.
• A Férveda de Rus.
• As fervenzas de Pedrafigueira.
• A Fervenza de Budián.
• A Fervenza de Parga.
• A Fervenza do Rabiñoso.
• Os Penedos de Traba e Pasarela.
• A Fervenza de Vioxo-Chacín.
• A Fervenza de Santa Locaia.
• A praia de Seaia.
• A praia da Barda.
• Os Muíños da Ribeira de Ardeleiro.
• A área fluvial de Verdes.
• O Pozo da Orca.
• Praia fluvial de Carreira.
• As casetas da Feira na A Ponte Olveira.
• Pico de Meda.
• O Pozo Encantado de Salgueiros.
• O Fuso da Moura
• Pedrafita do Marco da Anta ou Menhir de Erboedo.
• A Ponte do Peón de San Crimezo do Ézaro.
• Cabo Roncudo.
• A ponte da Pontenova.
• A Furna do Osmo.
• Mirador de Louredo.
• A área recreativa de Gabenlle.
• O Cabo, e Faro, Vilán.
• As praias de Reira e o foxo do lobo.
• O Cemiterio dos Ingleses.
• As praias do Trece e a Duna Monte Branco.
• O hórreo de Carnota.
• O hórreo de Lira.
• A Fervenza de Noveira.
• O Casco Vello de Corcubión.