Xoves. 28.03.2024
El tiempo

A Galería Mulleres grava o 2022 con Belkis Ayón

Arrinca o 2022 e Viki Rivadulla lévanos ata La Habana, para falarnos na Galería Mulleres da Biblioteca da Muller de Muxía, dunha das mellores expoñentes do gravado contemporáneo internacional.
Belkis na Galeria Mulleres de Muxia
A Galería Mulleres grava o 2022 con Belkis Ayón

La Habana, 1967-1999. Gravadora, dibuxante, curadora e profesora. Considerada dos maiores expoñentes do gravado contemporáneo internacional.

  • 1979-1982 Escola Elemental de Artes Plásticas “20 de Octubre”, La Habana.
  • 1982-1986 Academia de San Alejandro, La Habana.
  • 1986-1991 Licenciatura en graVado, Instituto Superior de Arte (ISA), La Habana.

Traballou as técnicas de gravado-litografía, xilografía, linóleo e colografía e destacou con gran mestría na técnica da colografía - técnica de impresión en relevo con incorporación de elementos texturados na matriz .- na que logrou grandes formatos mediante a ensamblaxe de pezas.

Na súa temática afondou na sociedade secreta Abakuá, orixinal da rexión do Calabar (na actual Nixeria), levada a Cuba polos escravos africanos a principios do século XIX . Comeza a traballar con esta temática en1985. Belkis reinterpreta a lenda dende a súa perspectiva de muller artista, negra, cubana, atea e contemporánea. As obras teñen unha iconografía sobrecolledora, moi atractiva e á vez misteriosa. Moi contemporánea pero tamén fondamente primitiva.

Parte de la leyenda abakuá, pero a súa mensaxe é máis ben política: a loita por el poder ligada á supremacía de xénero. É fundamental a personaxe feminina da lenda, a princesa Sikán que é sacrificada: «Sikán é a personaxe, a naide todos os abakuá, a gran iniciadora sacrificada”.

Coas súas obras, Ayón constrúe un discurso universal contra a marxinalidade, a frustración, o medo, a censura, a intolerancia, a violencia, a impotencia e la falta de liberdade.

A finais dos 90 —tamén da súa vida—traballa con imaxes autorreferenciais asociadas a experiencias personais. Historias de amor desgarradoras, conflitos e dor suxerida xa nos títulos das obras: traición, agonía, soedade, perda de afectos, profundos medos, desasosego, acoso e anguria.

A súa prolífica e marabillosa traxectoria queda truncada cando Belkis se quitou a vida, á idade de 32 anos. Os seus familiares e amigos descoñecen os motivos.

A arte foi o seu xeito de comunicarse. Deixa unha obra grandiosa para a cultura cubana e para o mundo.

Moi recomendable a mostra das súas Colografías no Museo Reina Sofía de Madrid.

ARTIGO RELACIONADO

11 ANOS DA GALERÍA MULLERES MUXÍA

Fonte

  • A Biblioteca da Muller de Muxía, da man de Viki Rivadulla.

Comentarios