Apagón

comunicacion

Apagón

13:08 05/05/25

Niño Becerra - dende o seu abecerramento de neno, dende o seu anenamento de becerra - dende a súa barba sabia de matador de Moby Dick, barba de señor profético e acertador, vennos a falar en chinés, isto é a falar de números e porcentaxes. A Niño Becerra, coma ao
médico, fágolle caso en todo porque non entendo nada do que di. Conste que non entender nada do que din non quere dicir que non entenda o que queren dicir, ou sexa, o que resumen, o que concretan, en definitiva, o que realmente queren expresar despexadas as incógnitas matemáticas, casuísticas, e clínicas. Neste caso, que España vai a merda.

O médico dime que estou moi san, e eu fíome porque só cando o médicomedicos - teño uns cantos e todos amigos - me comunican que estou ben, atópome realmente saudable (aos cinco minutos xa se me volven a colapsar os pulmóns, ceder as pernas, e doer a cabeza). Niño Becerra, á súa vez, dime - dille a toda a poboación española - que o apagón voltarase a producir - seguramente en verán -. Ao experto Becerra, ao mestre Becerra, fágolle caso, tamén como a os facultativos, cegamente, pois non llo vou a facer ao psicópata e mintireiro patolóxico do Presidente do Goberno, claro, que é quen dá o parte.

O día do apagón, na cidade da Coruña, os coches circularon sen ocasionar incidencias a pesares de que os semáforos deixaron de funcionar. Algúns bares abriron para dar o seu servizo habitual. Outra xente, foi a praia. Tamén houbo quen quedou na casa, lendo a Valle a luz das candeas. Os nenos, sen electricidade que alimentase as pantallas, voltaron a xogar coa pelota. E eu saín a rúa para facer a crónica da guerra, da invasión marciá, ou do que fose aquilo. Saín a rúa a facer a crónica da resistencia dunha cidade, relato que sacaron ao día seguinte os do Xornal da Coruña nas páxinas de sociedade.

Cando voltou a conexión aos móviles, chegáronme os wassaps atrasados. Algún deles eran de antigas amigas dicindo que a marcha da luz as collera co satisfyer descargado. Bueno, e cal é o problema, resposteille en canto poiden. O problema era, segundo a maioría delas explicou, que esqueceran o acto de executar a nobre arte da masturbación de forma clásica, isto é a man e con paciencia. Así as cousas.
As medidas que lles axudei a tomar, escoitado o seu requerimiento, xa quedan para outro artigo.